Чуулганы хуралдаан хойшлогдсоны дараа Эдийн засгийн байнгын хороо хуралдаж 2015 оны төсвийн тухай хуульд өөрчлөлт оруулах тухай хуулийн төслийн хоёр дахь хэлэлцүүлгийг хийж санал дүгнэлтээ Төсвийн байнгын хороонд хүргүүлэхээр тогтсон юм. Харин тус байнгын хорооны хуралдаанаар Хөрөнгийн албан татварын тухай хуулийн төслийн анхны хэлэлцүүлэг хийхийг дэмжихгүй гэсэн шийдвэрийг гаргалаа.

 

Харин яг одоо Төсвийн байнгын хорооны хуралдаан үргэлжилж байна. Тус байнгын хорооны хуралдаанаар эхлээд Төсвийн зарлагын хяналтын дэд хорооны бүрэлдэхүүнд өөрчлөлт оруулах тухай асуудлыг хэлэлцсэн хэдий ч дэд хорооны гишүүн болохын тулд тухайн байнгын хорооны гишүүн байх бөгөөд УИХ-ын даргад нэрээ өгөх ёстой гэсэн зарим гишүүдээс гаргасан саналыг дагуу уг асуудлыг хэлэлцэхийг хойшлуулсан юм. Төсвийн тогтвортой байдлын тухай хуульд нэмэлт, өөрчлөлт оруулах тухай хуулийн төслий  хэлэлцэх эсэх асуудлыг шийдэхээр хуралдаан үргэлжилж байна.

 

Үүний дараа УИХ-ын Байгаль орчин, хүнс хөдөө аж ахуйн байнгын хороо хуралдаж мөн төвсийн тодотголыг хэлэлцэх бөгөөд харин үдээс хойш чуулганы нэгдсэн хуралдаан болох юм.