-Эдийн засгаа сэргээхийн тулд танай бүлэг  стандартын бус онцгой арга хэмжээ авах хэрэгтэй гэж үзсэн байна. Үүнд зориулсан тодорхой саналууд байгаа юу?

-Бид Засгийн газартай хамтрахдаа зөв бодлогыг дэмжиж буруу зүйлд шүүмжлэлтэй хандана гэдгээ хэлсэн. Тиймээс манай бүлгээс хямралыг давах төлөвлөгөө гаргаж УИХ-д яаралтай оруулж ирэхийг шаардаж байсан. Одоо болтол орж ирэхгүй байгаа учраас МАН-ын бүлэг өөрсдөө ажлын хэсэг байгуулж, тодорхой асуудлуудыг цогцоор нь авч үзсэн хямралын эсрэг төлөвлөгөөг боловсруулахаар болсон. Ажлын хэсгийг УИХ-ын гишүүн Ч.Хүрэлбаатар ахалж, ажиллахаар болсон.

 

 

-МАН-ын бүлэг мөн л засагт хамтран ажиллах гэрээндээ өрийн таазыг нэмэхгүй гэж тусгасан. Гэвч Засгийн газраас өрийн таазын хэмжээг ДНБ-ий 70 хувьд хүргэхээр УИХ-д оруулж ирснийг нь бид дэмжээгүй. Одоо 60 хувьд хүргэхээр дахин өргөн барилаа.  Харин өнөөгийн бодит байдалд 58.2 хувьд хүрсэн байгаа. Тиймээс нэгэнт хүрсэн байгаа түвшинг хүлээн  зөвшөөрөхөөс өөр аргагүй боллоо.

 

-Өрийн хэмжээ хүн болгон эргэлзэхээр байгаа нь үнэн. Унтаад босоод ирэхэд л өсгөж хэлээд байхаар хэн ч эргэлзэхээр байгаа биз дээ. Тиймээс одоогийн авсан өрөө дараа нь нэхэхээр нь үйлдвэрлэгчдийн тавьсан шаардлагын дагуу шилжүүлж өгье. Тэгээд өрийн эцсийн хэмжээ ямар байгааг тооцож тогтоох хэрэгтэй.

 

-Гишүүдийн унааны нэг сарын зардал 500 мянган төгрөг байдаг. Өөрөөр хэлбэл, нэг гишүүнийх зургаан сая төгрөг болно. Тэгэхээр 26 гишүүнийх нийлээд 150 сая болно. МАН-ын бүлгийн бүх гишүүд үүнээсээ татгалзана. Чуулганаар төсөв хэлэлцэх үеэр бид энэхүү зардлаа хасуулна.

 

-Санаачилгаа бид үндсэндээ хямралыг давах хугацаанд хэрэгжүүлнэ. Эдийн засгийн хямралыг богино хугацаанд, хохирол багатай даван туулах зорилгоор бид үүнийг хэрэгжүүлж байгаа юм. Бидний санаачилгыг УИХ-ын бусад гишүүд дэмжих юм бол 500-600 сая төгрөг хэмнэгдэнэ. Мөн бусад Төрийн байгууллагуудыг ч гэсэн уриалж байгаа.

 

-90 сая гэсэн тоо байдаггүй ээ. Энэ нь УИХ-ын гишүүдэд тодорхой үйл ажиллагаа явуулах, төрийн бодлого шийдвэрийг хэрэгжүүлэхэд, тойрогтоо ажиллахад, хууль боловсруулах, хуулийн хэрэгжилтэд хяналт шалгалт хийхэд зориулсан тодорхой зардал төсөвт суусан байдаг.  Үүнээсээ унааны зардлаа хасахаар оруулж ирж байна.

 

-Засгийн газраас хотын татвар, хөрөнгийн татварыг нэмэгдүүлэхээр оруулж ирсэн. Харин нөгөө талдаа орлогыг нь тооцож төлөвлөж оруулж ирээгүй. Татвар нэмэгдүүлснээс олох орлогоо юунд зарцуулахаа тооцоолоогүй. Мөн хямрал хүндрэлийг татвар нэмэх замаар биш, татвар төлөгчдөө дэмжиж байж хямралаас гардаг. Гэтэл тооцоо судалгаагүй оруулж ирсэн учир бид татвар нэмэхийг дэмжихгүй.