Энэ талаар Маннингийн өмгөөлөгч “Өөрийнхөө гэм буруутай гэдгийг хүлээн зөвшөөрч дахин хүмүүжих боломжтой залуу хүнд хэт чангадсан шийтгэл болно” гэж мэдэгджээ.  Маннинг туршуул хийсэн, мэдээлэл хулгайлж, Ирак болон Афганистанд үүрэг гүйцэтгэж байсан АНУ-ын цэргүүдийн амь насыг эрсдэлд оруулах үйлдэл хийсэн гэдгээ хүлээн зөвшөөрсөн аж. Тэрээр “Шүүх байгууллагаас 90 жил хорьсон ч ялаа үүрэх болно” гэжээ. Шүүгч Хурандаа Денис Линд Вашингтоноос холгүй орших Форт Мийд цэргийн шүүхэд удахгүй болох шүүх хуралдаанаар зүйл анги тус бүрт чухам хэдэн жилийн ял оногдуулахаа шийдвэрлэх юм. Гэхдээ түүнийг 20 жилийн хугацаанд цэргийн хориход хорихоор төлөвлөөд байгаа тухай мэдээлэл ч байгаа аж. Иракт үүрэг гүйцэтгэж байх хугацаандаа “Викийлийкс” сайтад 700 мянга гаруй материал нийлүүлж, өөрийнхөө болон бусад залуусын амь насыг эрсдэлд оруулах алхам хийсэн, АНУ-ын гадаад бодлогод сөргөөр нөлөөлж, улс орнуудын гадаад харилцааг тодорхой хугацаанд ээдрээтэй нөхцөл байдалд оруулсан түүнийг хэдэн зуун мянган иргэд дэмжин Нобелийн энх тайвны төлөөх шагнал олгохыг дэмжин 100 мянган хүн гарын үсгээ цуглуулж байсан удаатай юм.