Үндэсний телевиз
Цагийн хүрд
Найм арваннэг
Цагдаагийн байгууллагаас хүн худалдаалах гэмт хэрэгтэй тэмцэх чиглэлээр арга хэмжээ зохион байгуулж байх явцдаа монгол охидыг хуурамч зараар халхлан БНХАУ-д аваачиж зардаг байсан бүлэг этгээдийг олж илрүүлсэн байна. Одоогийн байдлаар 10 охин хохирогчоор тогтоогдоод байгаа бөгөөд тэднийг Эрүүгийн цагдаагийн газрын ажилтнууд эх оронд нь авчирсан байна. Тэд монгол охидыг Макао, Хайнан арал зэрэг газруудад аваачин хүчээр биеийг нь үнэлүүлж байжээ.
Тодруулбал, манай улс руу чиглэсэн хууль бус үйл ажиллагаа явуулдаг гэх гадаадын гэмт бүлэглэлүүдтэй монгол залуус хамтран нутаг нэгт охид, эмэгтэйчүүдийг худалдаалдаг байжээ.
Тэд БНХАУ-ын Хайнан арлын Саня хот болон Макао руу хил давуулан худалдаалдаг байсан гэнэ. Ингэхдээ “БНХАУ-д өндөр цалинтай ажилд оруулна” гэсэн зараар охидыг хуурч мэхлэн Бээжин хотод аваачин Хятад иргэдэд шилжүүлдэг байжээ.
Одоогоор хэргийг УМБГ-ынхан шалгаж байгаа бөгөөд бусад нуугдмал хохирогчдыг тогтоохоор ажиллаж байна.
| Охидыг БНХАУ-д аваачиж зардаг байсан бүлэг этгээдийг илрүүлжээ | ||
| Үзсэн: 1137 | Mongolian National Broadcaster |
Б.Баярсайхан
У.Баярсайхан
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.