“Улаанбаатар хотын нийтийн тээврийг хөгжүүлэх хөрөнгө оруулалтын хөтөлбөр”-ийн хүрээнд Азийн хөгжлийн банкны 216 сая ам.долларын холимог зээлийн санхүүжилт, Монгол Улсын Засгийн газрын 57 сая ам.долларын хөрөнгө оруулалтыг 3 үе шаттай хэрэгжүүлэхээр болсон. 

Эхний ээлжинд Азийн хөгжлийн банкнаас 60 сая ам долларын холимог зээл, Дэлхийн байгал орчны байгууллагаас 1.5 сая ам долларын буцалтгүй тусламж, МУ-н засгийн газраас 17 сая ам долларын хөрөнгө  оруулалтыг авна. Энэ хөрөнгө оруулалтыг тусгай зориулалтын авто зам барьж байгуулахад зарцуулах юм. Тусгай зориулалтын авто замыг 3 шугамтай, 64 км урттай байхаар тооцож, эхний ээлжинд Хан-Уул дүүргийн Яармагийн шинэ хороолол, Буянт-Ухаа хороололын чиглэлд бүтээн байгуулалтыг эхлүүлэх юм байна. Тусгай зориулалтын авто зам ашиглалтанд орвол нийслэлийн замын хөдөлгөөний түгжрэл 30-40 хувь хүртэл буурна гэж Зам, тээвэр, дэд бүтцийн асуудал хариуцсан орлогч дарга Н.Гантөмөр ярилаа.