“Эрдэнэс Монгол” компанийн гүйцэтгэх захирал Б.Бямбасайхан ШУТИС-ийн Геологи уул уурхайн сургуулийн оюутнуудтай чөлөөт ярилцлага өрнүүллээ. Тэд манай улсын уул уурхайн салбарын өнөөгийн нөхцөл байдлын талаар голчлон ярилцлаа. Уул уурхайн салбарын өсөлт, хөрөнгө оруулалт нь дэлхийн эрдэс баялгийн зах зээл, дотоодын хууль эрх зүй, боловсон хүчнээс ихээхэн хамаардгийг онцолсон юм. Үүнээс гадна уул уурхай, эдийн засгийн нөлөө бүхий салбарыг мэддэггүй байж мэддэг юм шиг ярьдаг. Нэг ажлыг эхлүүлээд үр шимийг нь үзэлгүй орхидог зэрэг нь эргээд эдийн засагт хүндрэл учруулж байгаа тухай оюутнуудад тайлбарлаж байлаа. Түүнчлэн Оюутолгойн далд уурхайн бүтээн байгуулалтын ажил үргэлжилснээр эрчим хүчний томоохон төслүүд ажил хэрэг болно. Ингээд эдийн засагт үзүүлэх үр нөлөө талаас нь авч үзвэл онцгой ач холбогдолтойг хэлж байсан.