Адал явдалт, уянгын драмын төрлийн “Зангараг” уран сайхны киноны нээлт өчигдөр буюу зургаадугаар сарын 10-нд ёслол төгөлдөр боллоо. Олны анхаарлыг ихэд татаж буй тус киноны зохиолыг А.Батбаатар бичиж, ерөнхий найруулагчаар ажиллажээ. Гол дүрүүдэд нь Төрийн шагналт жүжигчин Ц.Төмөрбаатар, Соёлын тэргүүний ажилтан Ц.Төмөрхуяг, Д.Бямбацогт, Г.Золбоот, П.Баттөр, Г.Алтангэрэл, Д.Дэлгэрсайхан, жүжигчин Е.Баярмагнай, Т.Анар, Т.Мөнх-Эрдэнэ/Rapper GEE/, Н.Мөнхсоёл нар тоглосон байна.
“Sky Pyramid” студийн энэхүү киногоор дамжуулан үзэгч түмэндээ олон зүйлийн ухаарал хайрлаж, амьдралын үнэ цэнийг ойлгуулан, аз жаргалын утга учрыг таниулах гэж зорьсон авьяаслаг уран бүтээлчдийн маань хүсэл тун удахгүй биелэх нь. Сонирхолтой үйл явдлаар дүүрэн өрнөх “Зангараг” кинонд эр хүний мөс чанар, аминаас уяатай нандин хэлхээс, ээдрээт зангилаанд алдуураагүй тэсвэр тэвчээр, зангараг зэргийг тун тодорхой харуулсан аж.
Алдаж бүдэрсэн амьдралын нугачааг өөрийн эр чадлаар туулан бэдчиж яваа идэр залуус маань амь тулсан хүндхэн үед эр хүний зангаргаар хэлсэн үгэндээ эзэн байж, хэзээ ч нугаршгүй ноён нуруутай байж чадах болов уу… “Хүн үзэн ядалт өш хонзонд автахаараа хамгийн эрхэм чанараа гээж мөхөл рүүгээ ойртож байгаагаа хэзээ ч ухаардаггүй. Үр дүнд нь өнөөдөр маргааш хоёрын алинд нь ч амьдарч чаддаггүй. Тэд хэзээ ч үхэхгүй юм шиг амьдарч тэгээд эцэст нь хэзээ ч амьдраагүй юм шиг үхдэг. Учир нь зам болгон зөв байдаггүй” гэдгийг үзэгчид маань энэхүү киноноос мэдрэх биз ээ.
Киноны нээлтийн зургуудыг та бүхэнд хүргэж байна.
PHOTONEWS.MN
"Зангараг" УСК-ны нээлт боллоо | ||
Үзсэн: 1749 | Mongolian National Broadcaster |
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.