Шууд Chart

"Хүүхдийн төв сувилал"-ын бяцхан үрсэд хандив илгээжээ

2015-06-19 13:47:44

Чех улсад суугаа монголчууд нэгдэн хандивын аян өрнүүлж Монголын ирээдүй болсон бяцхан үрсдээ бэлэг барихыг зорьжээ.

Ингэхдээ асаргаа сувилал хамгийн их шаардлагатай байдаг “Хүүхдийн төв сувилал”-ын бяцхан үрсэд хандиваа өгөхийг хүссэн байна.

Өнөөдөр Монгол Улсаас Чех улсад суугаа онц бөгөөд бүрэн эрхт элчин сайд Д.Зүмбэрэллхам өөрийн биеэр тус сувилал дээр очин хандивыг нь гардуулан өглөө.

Чех улсад суугаа монголчуудаас гадна Чех улсын иргэд, албан байгууллагууд оролцон хуримтлуулсан 3000 ам.долларын хандив бяцхан эзэддээ ирлээ.

Хүүхдийн төв сувилалд өнөөдрийн байдлаар 0-3 насны 100 гаруй хүүхэд өсөн торниж байна. Сайхан сэтгэлт хүмүүсийн өгсөн хандив тусламж хүүхдүүдэд маш том хөрөнгө оруулалт болж байгааг тус сувилалын удирдлагууд хэлж байлаа. Монголын ирээдүй болсон бяцхан үрс эрүүл саруул, хайр энэрэл дунд өсөн торних учиртай.

Чех улсад суугаа нийт монголчууд чех улсын иргэддээ сувилалын бяцхан багачуудын өмнөөс баярлаж байгаагаа илэрхийлье.

Нийтэлсэн: Эрүүл мэндийн яам

"Хүүхдийн төв сувилал"-ын бяцхан үрсэд хандив илгээжээ   
Үзсэн: 2135 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй