9-р сарын 6-8-ны өдрүүдэд “Барилга орон сууц-2013”үзэсгэлэн, яармагийг тав дахь удаагаа зохион байгуулах гэж байна. Үзэсгэлэн “Мишээл экспо” төвд болох бөгөөд шинэ орон сууц, ипотекийн зээл олгож байгаа арилжааны банкууд, барилгын материалын үйлдвэрлэгч, импортлогч болон амины орон сууцны чиглэлээр үйл ажиллагаа явуулдаг 120 гаруй аж ахуйн нэгж байгууллагууд оролцоно.

 

Яармагийн үеэр хөрөнгө оруулагч, ханган нийлүүлэгчдийн уулзалт, шинэ техник технологийн танилцуулга санал солилцох семинар болохоос гадна хямдрал, урамшуулал зарласан шинэ орон сууцнуудаас сонголтоо хийж, газар дээр нь банкны хөнгөлттэй зээлд хамрагдах боломжтой юм.