08:00 цагт Нийслэлийн удирдах ажилтны шуурхай зөвлөгөөн Хангарьд ордны 14 давхарт эхэллээ. Шуурхай зөвлөгөөнөөр нийслэлийн өвөлжилтийн бэлтгэл ажлын талаар холбогдох албаны хүмүүсээс мэдээлэл сонсоно.

11:00-17:00 цагийн хооронд Европын холбоо болон гишүүн орнуудаас Монгол Улсад хэрэгжүүлж буй төсөл, хөтөлбөрийн талаарх үзэсгэлэн Гадаад харилцааны яамны “Номин” танхимд болно.

11.00 цагт Монгол Ньюс мэдээллийн төвд Гэмтлийн улмаас бүрэн хараагүй болох эрсдэлд ороод буй иргэн П.Даваасумъяа Монголын ард түмэндээ хандан хэвлэлийн бага хурал зарлалаа.

11:00 цагт Цэнгэг усны нөөц байгаль хамгаалах төвд Шувуу ажиглах аялалыг хөгжүүлэх зорилгоор бүтээсэн “Монгол орны шувууны фото лавлах” номыг олон нийтэд танилцуулах үйл ажиллгаа болно. Аялал жуучлалын газар, шувуу судлалын мэргэжилтэн оролцоно.

11:00 цагт Монгол Улсын Ерөнхийлөгч Ц.Элбэгдоржид Испани, Аргентин, Грек, Пакистан Улсаас хавсран суух элчин сайдууд ИЖБ-ээ өргөн барина. 9 хөлт цагаан тугт ёслолын танхимд болно.

12.00 цагт Монгол Ньюс мэдээллийн төвд Язгуур урлагийн дэлхийн аварга шалгаруулах тэмцээнд оролцож гранпри шагнал хүртсэн “Домог” хамтлагийнхан болон Төрийн соёрхолт, гавьяат жүжигчин Д.Сосорбарам нарын уран бүтээлчид сэтгүүлчдэд мэдээлэл хийнэ.