Эрүүл мэндийн салбарын зарим баримт бичгийг тодорхой хугацааны дараа устгах журам байдаг. Тухайлбал, өвчтөний түүхийг 50 жил, төрөлтийн түүхийг 20 жил хадгалаад устгадаг байна.
Төрөлтийн түүх гэдэг бол тухайн хүний хувьд болон түүний гэр бүлд маш үнэ цэнэтэй, дурсгалтай чухал баримт. Тиймээс үүнийг устгалгүйгээр эзэнд нь хүлээлгэн өгдөг болж байгаа юм.

Төрөлтийн түүхэнд тухайн иргэний төрсөн цаг хугацаа, биеийн жин, өндөр, төрөлтийн үйл явц гээд бүхий л мэдээлэл хадгалагддаг бөгөөд хамгийн гол нь хүйн ээжийн нэр тэнд байдаг ажээ.

Өнөөдөр хадгалах хугацаа нь дууссан буюу 1984-1994 оны төрөлтийн түүхийг төрүүлсэн эх, төрсөн хүүхдүүдэд нь гардуулж өгөх ёслол боллоо. Тухайн үед төрөх эмнэлгийн ачаалал их байсан учраас эмч нар тун ч завгүй ажилладаг байсан. Тиймээс эх баригч эмчдээ олигтой талархал илэрхийлж амжаагүй гэж 20 гаруй жилийн өмнө энэ эмнэлэгт төрж байсан эхчүүд ярьж байна.

Мэдээний дэлгэрэнгүйг 20:00 цагийн "Цагийн хүрд" хөтөлбөрөөс үзнэ үү.