"Хөдөлмөрийн аюулгүй байдал, эрүүл ахуйн тухай хууль тогтоомжийн шинэчлэл, хэрэгжилт" зүүн бүсийн сургалт Сүхбаатар аймгийн Баруун-Урт хотноо энэ сарын 9-11-ний өдрүүдэд болж байна.

УИХ-ын хаврын чуулганаар "Хөдөлмөрийн аюулгүй байдал, эрүүл ахуйн тухай хуульд нэмэлт өөрчлөлт оруулсантай холбогдуулан Хөдөлмөрийн яамнаас зохион байгуулж буй уг бүсийн сургалтад Хөдөлмөрийн дэд сайд Ж.Батхуяг, Сүхбаатар аймгийн Засаг дарга Ж.Батсуурь, Нийгмийн даатгалын ерөнхий газрын дарга Ц.Уртнасан, МҮЭХ-ны ерөнхийлөгч Х.Амгаланбаатар, МАОЭНХ-ны гүйцэтгэх захирлын орлогч Ц.Эрдэнэбаатар нар болон Сүхбаатар, Хэнтий, Дорнод, Дорноговь, Говьсүмбэр аймгийн ХАБЭА-н зөвлөлийн дарга, Хөдөлмөрийн хэлтсийн дарга, Нийгмийн даатгалын байцаагч, Хөдөлмөрийн харилцаа, ХАБЭА-н асуудал хариуцсан мэргэжилтнүүд, аймгуудын ҮЭХ, АОЭНХ-ны төлөөлөл 80 орчим хүн оролцож байна. Сургалтаар хуулийн өөрчлөлт шинэчлэлтийг танилцуулж, ХАБЭА-н аймгийн зөвлөлийн ажлын чиглэл, анхаарах асуудал, ХАБЭА-н тогтолцоог бэхжүүлэхэд түншлэгч талуудын оролцоо, Нийгмийн даатгалын тухай хуульд орсон нэмэлт, өөрчлөлт, Уул уурхайн салбарт ХАБЭА, Хөдөлмөрийн харилцаа, цалин хөлсний бодлогын хэрэгжилтийн талаар мэдээлэл өгөх юм.

Б.Энхтуяа /Сүхбаатар аймаг/