Манай улс “талын зам” төмөр замын хөтөлбөрийг хэрэгжүүлж гурван улсын дэд бүтцийн хамтын ажиллагааг өргөжүүлэх бодлоготой байна. Харин ОХУ-ын хувьд Дорнод Сибирийн нутгаар зорчигч, ачаа тээврийн төмөр замыг барьж байгуулах төлөвлөгөөгөө танилцууллаа. БНХАУ мөн торгоны зам төслөө хэрэгжүүлнэ. Гурван улс ийнхүү уялдаа холбоотой төмөр замын хөтөлбөрүүдийг хэрэгжүүлснээр түүнийгээ дагаад үйлдвэрлэл, бүтээн байгуулалт, эдийн засаг хөгжинө гэж харж байгаа юм.

 

Гурван улсын Ерөнхийлөгчийн уулзалтын дараа энэ оны гуравдугаар сард гурван улсын гадаад хэргийн сайд нар Бээжинд хуралдан хамтарсан холбоо байгуулах төлөвлөгөөний талаар санал нэгдсэн. Энэ удаагийн чуулганы гол зорилго нь гурван улсын судлаачдын "Тинк Танк" холбоог байгуулах юм. "Тинк Танк" судлаачдын холбооноос аль салбарт хэрхэн хамтран ажиллах тухай зөвлөмж гарна. Маргааш судлаачдын чуулганаар аялал жуулчлал, хөдөө аж ахуй, соёл хүмүүнлэгийн салбарын хамтын ажиллагааны тухай хэлэлцэх юм байна.

 

Энэ талаарх дэлгэрэнгүй мэдээллийг "Цагийн хүрд" мэдээллийн хөтөлбөрөөс үзээрэй.