Үндэсний телевиз
Цагийн хүрд
Найм арваннэг
Өнөөдөр мэргэжлийн болон давтан сургалтад хамрагдсан иргэд эзэмшсэн мэдлэг, ур чадвараараа өрсөлдлөө. Нийслэлийн хөдөлмөрийн газраас 2012 оноос эхэлж хэрэгжүүлсэн мэргэжлийн болон давтан сургалтын хөтөлбөрт 36 мэргэжлээр 10 мянга гаруй иргэн хамрагдаж мэргэжлийн боловсрол эзэмшжээ.
Энэ онд тендерт шалгарсан 51 сургалтын төв тус хөтөлбөрийг хэрэгжүүлэхэд хамтарч ажилласан байна. Тэдний нэг нь монгол гэрийн үйлдвэрлэлээр 18 жил тасралтгүй ажилласан туршлагатай “Монгол гэр хужирт” компани. Эднийх өнгөрсөн хугацаанд 300 гаруй хүнийг сурган бэлтгэсэн байна. Энэ жил дээрх хөтөлбөрийн хүрээнд 20 хүнийг сургажээ.
Зөвхөн мэргэжлийн боловсрол эзэмшүүлээд орхих биш бичил бизнес эрхлэх боломжоор нь дэмжих хөтөлбөрийг нийслэлээс хэрэгжүүлж байгаа. Энэ төсөлд хотын захиргаанаас 15 тэрбум төгрөг баталж өгсөн юм.
Ингэхдээ эзэмшсэн мэргэжилтэй, орлоготой болоход нь дэмжлэг үзүүлэх нь нийслэл хотын бодлогын маш чухал хэсэг. Тиймээс энэ хөтөлбөрүүдийг ирэх жилээс илүү өргөн хүрээнд хэрэгжүүлэхээр төлөвлөж буй юм байна.
| 10.155 иргэн мэргэжлийн болон давтан сургалтад хамрагджээ | ||
| Үзсэн: 531 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.