Үндэсний телевиз
Цагийн хүрд
Найм арваннэг
Манай улсад 35 хүртэлх насны 228 мянган иргэн ажилгүй байгааг Хөдөлмөрийн яамнаас судалгаагаар тогтоожээ. Эдгээр хүнийг ажилтай байлгах зорилгоор Хөдөлмөрийн яамнаас “Ажилтай, орлоготой Монгол залуу” хөтөлбөрийг эхлүүлсэн. Хөтөлбөрийн хүрээнд 10 гаруй мянган иргэнийг ажилд зуучилсан байна.
Өнөөдөр ажилгүй байгаа залуусын олонх нь дээд боловсролтой, их, дээд сургууль төгссөн залуус байгаа нь анхаарал татаж байгаа юм. Тухайлбал, Хөдөлмөрийн судалгааны Институтээс жилд 45 мянга гаруй залуус их, дээд сургууль төгсөхөд 28 мянга гаруй нь ажилд орж байна гэсэн судалгаа гаргажээ. Харин үлдсэн 17-18 мянган залуус өнөөдөр ажилгүй байна.
Энэ байдалд НҮБ-аас хөндлөнгийн судалгаа хийж, хөдөлмөр эрхлэлтийн бүтэц алдагдсан нь манай улсын эдийн засгийн өсөлтийг удаашруулах нэг шалтгаан болжээ гэдгийг тэд хэлсэн байна. Жишээ нь, бизнес захиргаа удирдлагын салбарт жилд 2000 гаруй хүн ажилд орох боломжтой байхад, энэ чиглэлээр их, дээд сургуульд 5000-6000 оюутан суралцдаг байна.
Хөдөлмөрийн яамнаас “Ажилтай, орлоготой Монгол залуу” хөтөлбөрийг 2012 оноос хойш хэрэгжүүлж эхэлсэн. Энэ хугацаанд 12 мянган залууг ажилд зуучилжээ.
| Их, дээд сургууль төгссөн залуусын 55 хувь нь л мэргэжлээрээ ажилладаг | ||
| Үзсэн: 1474 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.