“Улаанбаатар Түншлэл-2013” үзэсгэлэн яармаг “Мишээл” экспо төвд нээлтээ хийлээ. МҮХАҮТ, НЗДТГ-тай хамтран 17 дахь жилдээ зохион байгуулж буй үзэсгэлэнд АНУ, ОХУ, Тайвань, Япон, Польш орнуудын төрөл бүрийн хүнсний бүтээгдэхүүн болон тоног төхөөрөмжүүдээс гадна дотоодын 70 гаруй аж ахуйн нэгжүүд өөрсдийн бараа бүтээгдэхүүн, үйлчилгээгээ сурталчилж байна. Дотоодын бүтээгдэхүүнийг сурталчлах, үйл ажиллагааг дэмжин урамшуулах, олон улсын зах зээлд өрсөлдөх чадварыг нэмэгдүүлэх, түншийн харилцаа холбоо тогтоох нь үзэсгэлэнгийн гол зорилго юм. Үзэсгэлэн энэ сарын 16-ныг хүртэл үргэлжилж хаалтын үйл ажиллагааны үеэр шилдэг 20  байгууллагуудыг шалгаруулах аж.