Ражив Гандийн нэрэмжит Үйлдвэрлэл урлалын политехникийн коллежид Энэтхэг улсын Засгийн газрын буцалтгүй тусламж 2.8 сая долларын үнэ бүхий сургалтын тоног төхөөрөмжийг нийлүүллээ. Онолоор олж авсан мэдлэгээ практикт шууд хэрэгжүүлж улам бататгах боломжийг оюутнуудад олгор эдгээр тоног төхөөрөмжийг өнөөдөр албан ёсоор хүлээлгэж өгчээ.

Бүгд найрамдах Энэтхэг улсын засгийн газрын буцалтгүй тусламжаар өгсөн тоног төхөөрөмж дээр түшиглэж, Үйлдвэрлэл урлалын политехникийн  коллеж шинээр нээж байгаа юм байна. Энэ шинэ ангид суралцах оюутнууд нийт сургалтын хугацааныхаа 70 хувийг эдгээр шинэ тоног төхөөрөмж дээрээ дадлагажиж онолын мэдлэгээ бататгана. Энэтхэгийн Засгийн газраас тус коллежид өмнө нь дөрвөн удаа ийм хэлбэрийн буцалтгүй тусламжуудыг өгч байсан. Анх 1992 оноос эхлээд цахилгаан, сантехник, машин засвар зэрэг 5 мэргэжлийн дагуу 300 гаруй нэр төрлийн багаж хэрэгсэл, 20 гаруй төрлийн тоног төхөөрөмж нийлүүлж байжээ. Өнгөрсөн  хугацаанд  энэ коллежид суралцаж төгссөн оюутнуудын 90 орчим хувь нь төгсөөд шууд ажилтай болдог судалгаа байна. Тэдний дйилэнх нь1-2 жил ажиллаад хувийн бизнес, үйлдвэрлэлээ эхлүүлдэг гэж багш нар ярьлаа.

Буцалтгүй тусламжаар нийлүүлсэн тоног төхөөрөмжүүдийг Энэтхэг улсаас тусгайлан мэргэжилтэнүүд ирж суурьлуулж өгч байгаа юм байна. Түүнээс гадна энэтхэг монгол багш нарыг харилцан солилцож, туршлага судлуулах талаар ч төлөвлөж байгаа ажээ. Энэ талаарх дэлгэрэнгүй мэдээллийг Монголын Мэдээ сувгийн мэдээллийн хөтөлбөрөөс үзээрэй.