“Ази номхон далайн бүс нутгийн хөгжлийн бэрхшээлтэй залуучуудын мэдээлэл технологийн сорилт-2015”  олон улсын олимпиадад манай бага тамирчид амжилттай оролцож, багаараа мөнгөн медаль хүртсэн байна.

Бүгд Найрамдах Солонгос Улсын Эрүүл мэнд, нийгмийн халамжийн яам, Хөгжлийн бэрхшээлтэй иргэдийн сэргээн засалтын нийгэмлэг болон Индонез улсын Мэдээлэл, харилцаа холбоо, технологийн яам хамтран  2015 оны 10-р сарын 25-аас 29-ны хооронд, Индонез Улсын  Жакарта хотноо дээрх олимпиадыг зохион байгуулсан байна.  Олимпиадад  Ази-Номхон далайн бүс нутгийн 15-н орны 25-н багийн 200 гаруй хөгжлийн бэрхшээлтэй залуучууд оролцжээ.

Харин манай улсаас  Хүн Амын Хөгжил Нийгмийн Хамгааллын Яамны харьяа Сэргээн засалт, хөгжлийн үндэсний төвийн Дэд дарга н.Мөнх-Очироор ахлуулсан багийнхан ийнхүү амжилттай оролцлоо. Жил бүр зохион байгуулдаг олон улсын форум, тэмцээнийг ирэх онд Бүгд Найрамдах Хятад Улсын Бээжин хотноо зохион байгуулахаар болжээ.