Монголын Банкны Холбооны Удирдах Зөвлөлийн ээлжит бус хурлаар МБХ-ны Гүйцэтгэх захирал, Ерөнхий нарийн бичгийн даргаар Жигжидийн Үнэнбатыг сонгон томилжээ. Ж.Үнэнбат нь 1985 онд ОХУ-ын Москвагийн Эдийн Засаг Статистикийн Дээд Сургуулийг Эдийн засагч, статистикч мэргэжлээр төгсөж, 1994 онд АНУ-ын Колумбын Их Сургуульд Олон улсын эдийн засгийн харилцааны мастер зэргийг хамгаалсан, Дэд профессор цолтой.

1985-1987 онд Улаанбаатар хотын САА-д эдийн засагч, 1987-1988 онд Хугацаат цэргийн албанд, 1988-1990 онд Хөдөлмөрийн төвд эдийн засагч, 1990 онд Улсын Банкны Ерөнхий Хорооны Тооцоолон бодох төвд эдийн засагч, 1991-1993 онд Монголбанкны Статистик судалгааны газарт эдийн засагч, ахлах эдийн засагч, 1995-1996 онд Монголбанкны Мөнгө зээлийн бодлогын газрын захирал, 1996 онд онд Монголбанкны Тэргүүн дэд ерөнхийлөгч, 1996-2000 онд Монголбанкны Ерөнхийлөгч, 2000-2006 онд Монголын Банкны Холбооны гүйцэтгэх захирал, 2000 оноос Санхүү Эдийн Дээд Сургуулийн Банк санхүүгийн тэнхимийн эрхлэгч, 2004 оноос Монголбанкны Хяналтын зөвлөлийн гишүүн /орон тооны бус/, 2009 оноос Компанийн Засаглалын Хөгжлийн Төвийн гүйцэтгэх захирлаар тус тус ажиллаж байсан туршлагатай юм байна.