Үндэсний телевиз
Цагийн хүрд
Найм арваннэг
Маргааш тохиох “Монгол бахархал”-ын өдрийг угтаж Монгол цэргийн музейд Төрийн есөн хөлт цагаан тугийн эх загварыг хүндэтгэн залж, үзэгч түмний хүртээл болгож эхэллээ.
1992 онд батлагдсан Үндсэн хуульд “Монголын нэгдсэн тулгар төрийн уламжлалт “Их цагаан туг” нь Монгол Улсын төрийн хүндэтгэлийн бэлгэдэл мөн” гэж заасан байдаг. Мөн Монгол Улсын Төрийн Бэлгэ Тэмдгийн тухай хуулийн 1 дүгээр бүлгийн 2 дугаар зүйлд, “Монгол Улсын тусгаар тогтнол, бүрэн эрхт байдлын бэлгэ тэмдэг нь Төрийн сүлд, туг, далбаа, тамга, дуулал мөн” хэмээн хуульчлан заасан байдаг. Тиймээс Монгол бахархлын өдрөөр Есөн хөлт цагаан тугаа Монгол цэргийн музейд хүндэтгэн залж байна.
Есөн хөлт цагаан тугийн анхны загварыг Зэвсэгт хүчний 032-р ангид хадгалж байсан. 032-р ангийнхан Монгол цэргийн музейтэй хамтарч үндэсний бахархалт өдрөөр есөн хөлт цагаан тугаа “Төрийн бэлгэдлийн танхим”-д байрлуулж байгаа юм. Энэ талаарх дэлгэрэнгүй мэдээллийг "Цагийн хүрд" хөтөлбөрөөс үзээрэй.
| Төрийн есөн хөлт цагаан тугийн эх загварыг заллаа | ||
| Үзсэн: 333 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.