Монголбанкнаас өнөөдөр гадаад улсад эмчлүүлэгч Монгол иргэдийн зардлын судалгааг өөрийн цахим хуудсанд байршуулжээ. Тус судалгааг 2011-2014 онд гадаад улс руу эмчлүүлэх зорилгоор аялсан Монгол иргэдийн зарцуулсан нийт зардлын дүнг тодорхойлж цаашид төлбөрийн тэнцлийн статистикт ашиглагдах эмчилгээний зардлын таамаг тооцоог шинэчлэх зорилгоор хийжээ.

Судалгааны дүнгээс харахад 2011-2014 онд гадаад улс руу эмчлүүлэх зорилгоор аялсан Монгол иргэд хамгийн багадаа жилд дунджаар 58 сая ам.долларыг зарцуулсан бөгөөд ихэвчлэн БНСУ, БНХАУ, Энэтхэг, Тайланд улс руу аялжээ.

Мөн 2013 онд гаргасан судалгаагаар,

- БНСУ-д 2010, 2011 онд манай улсын 1860, 3266 иргэн эмчлүүлсэн, нэг эмчлүүлэгчийн дундаж зардал  харгалзан 2161, 2153 ам.доллар буюу нийт 4.0, 7.0 сая ам.долларыг;

- БНХАУ-д жилд дунджаар 9000 иргэн эмчлүүлж, нэг эмчлүүлэгчийн дундаж зардал 2378 ам.доллар буюу нийт зардал 21 сая ам.долларыг;

- Тайланд  улсад  манай  улсын  иргэд  2011,  2012  онд  харгалзан  нийт  3.2,  3.7  сая ам.долларын зардлыг тус тус зарцуулжээ.

2011-2014 онд зөвхөн улсын төсвөөс жилд дунджаар 152 иргэнд 330 мянган ам.долларыг олгосон тоо баримт байна. Дээрх судалгааны дэлгэрэнгүйг хүргэж байна.