Үндэсний телевиз
Цагийн хүрд
Найм арваннэг
Тамхины эсрэг хуулийн шинэчилсэн найруулгаар нийслэлд хүн их цугладаг зарим газар тамхи татах тусгай 20 цэг байгуулсан. Хуулийг хэрэгжүүлж 300 орчим сая төгрөгөөр босгосон эдгээр цэг нь өнөөг хүртэл цоожтой, иргэд үйлчлүүлэх боломжгүй байна.
Тамхины кабин ашиглагдахгүй, цоожтой байгаагийн шалтгааныг тодруулахад, ашиглагч байгууллага нь татан буугдсанаас хариуцах эзэнгүй өдийг хүрсэн гэж Нийслэлийн хөрөнгө оруулалтын газрын орлогч дарга С.Цэдэнсодном хэллээ. Хариуцан ажиллуулах газаргүй жил шахуу болсон тамхи татах кабиныг өнгөрсөн хоёрдугаар сард “Улаанбаатар нэгтгэл”-ийн мэдэлд өгчээ. Гэвч тэд тамхины цэгийг ашиглагч компани болох эрх зүйн үндэс бидэнд байхгүй гэдэг хариултыг өгсөн юм.
Энэ мэтчилэн төрийн байгууллагуудын уялдаа холбоогүй ажиллаж байгаагаас цагаа олоогүй хөрөнгө оруулалт нь үүдээ барьсан үхмэл хөрөнгө болоход хүргэж байна. Энэ талаарх дэлгэрэнгүй мэдээллийг "Цагийн хүрд" хөтөлбөрөөс үзээрэй.
| 300 сая төгрөгөөр байгуулсан тамхины кабинууд хэзээ ажиллах вэ | ||
| Үзсэн: 290 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.