Филиппиний нийслэл Манила хотноо өчигдөр эхэлсэн Ази Номхон далайн эдийн засгийн хамтын ажиллагааны дээд хэмжээний уулзалт өчигдөр Бизнесийн зөвлөлийн уулзалтаар үргэлжилжээ. Уулзалтын хүрээнд БНХАУ-ын дарга Си Зиньпин Хятад улсын эрх баригчид дэлхийд номер хоёр эдийн засгийн өсөлтөө тогтвортой хадгална гэдгийг онцлон тэмдэглэсэн байна.  

Мөн Хятадын эрх баригчид эдийн засагтаа бүтцийн өөрчлөлт хийх, ард түмнийхээ амьжиргааны түвшинг дээшлүүлэх үүрэг хүлээсэн гэдгээ тэмдэглэсэн байна. Одоогоор Бээжин цаг уурын өөрчлөлттэй тэмцэх, байгаль орчноо цэвэр, аюулгүй байлгахад хүчин чармайлтаа нэмэгдүүлж байгааг АПЕК-ийн орнуудад үлгэр жишээ болгон ярьсан байна. Харин Өмнөд Хятадын тэнгис дэх газар нутгийн маргаантай асуудлыг Си Зиньпин огт дурдаагүй байна.

Гэвч АНУ-ын ерөнхийлөгч Хятад улсыг Өмнөд Хятадын тэнгисийн маргаантай бүсэд газар нутаг эзэмшиж, дэд бүтэц байгуулахаа зогсоохыг шаардсан байна. Түүний байр сууийг Филиппиний Засгийн газар дэмжиж, Ази Номхон далайд далай, тэнгисийн чөлөөтэй хөдөлгөөнийг дэмжих тухай хууль хэрэгжүүлэх нь зүйтэй гэдэгт санал нэгджээ.