“Бичил уурхайг албажуулах замаар бичил уурхайчдын нийгмийн хамгааллыг сайжруулах нь” сэдэвт үндэсний чуулган болж байна.

Хүн амын хөгжил, нийгмийн хамгааллын яам, Уул уурхайн яам, Швейцарийн хөгжлийн агентлагийн “Тогтвортой бичил уурхай төсөл” хамтран Бичил уурхай эрхлэгчдийн нийгмийн хамгаалал, нийгмийн халамж, үйлчилгээ, хүүхэд, гэр бүлийн хөгжлийн асуудал, тэдэнд тулгамдаж буй бэрхшээл, түүнийг шийдвэрлэх арга зам, шийдэл, бичил уурхайн эрх зүйн орчныг боловсронгуй болгох зэрэг олон асуудлыг хэлэлцэж байгаа юм. Бичил уурхай эрхлэгчдийн тоо жилээс жилд өсч байна.

2010 онд энэ салбарт 3000 гаруй хүн ажиллаж байсан бол өнгөрсөн онд 7 мянга гаруй иргэн бичил уурхай эрхэлж байсан мэдээ байна. Үүний шалтгааныг Хүн амын хөгжил, нийгмийн хамгааллын яамны газрын дарга н.Мөнхзул тайлбарлалаа.