Их зохиолч, Билгүүн номч Бямбын Ринчений мэндэлсний 110 жилийн ой энэ онд тохиож байна. Ойн хүрээнд шинжлэх ухааны академиас эрдэм шинжилгээний бага хурал зохион байгуулж, их зохиолчийн уран бүтээл, Монголын төр нийгэмд оруулсан хувь нэмрийн талаар илтгэл хэлэлцүүллээ.

Эрдэмтэн судлаачдын тоолсноор Б.Ринчен багшийн бүтээл, туурвилын тоо 500 хол давсан байна. Зохиол бүтээлийн ихэнхэд нь эх хэлээ хайрлах, эх оронч байх гэдэг үзэл санаа нэвт шингэсэн байдаг тухай судлаач эрдэмтэд өнөөдөр илтгэлүүддээ онцолж байлаа. Тухайлбал, эрдэмтэн судлаачдынхаа бүтээл туурвилыг ингэж судлах нь эх орны хөгжилд дэм болох нь гэдэг найдлага нахиалж байна гэж яруу найрагч Тангадын Галсан тодотгосон юм.

Бямбын Ринчений мэндэлсний 110 жилийн ойд зориулсан эрдэм шинжилгээний бага хуралд зохиолч, яруу найрагчид, судлаачид оролцсон юм. Тэд их зохиолчийг уран бүтээлч, багш, судлаач, хувь хүн талаас нь гээд олон өнцгөөс судалжээ. Энэ талаарх дэлгэрэнгүй мэдээллийг "Цагийн хүрд" хөтөлбөрөөс үзээрэй.