Үндэсний телевиз
Цагийн хүрд
Найм арваннэг
Парисын халдлагаас хойш Францын нисэх онгоц тээвэрлэгч "Шарль де Голль" хөлөг онгоц Сирийн эрэгт байрлан, "Исламын улс" бүлэглэлийн эсрэг агаарын цэргийн ажиллагаанд оролцож байгаа. Баасан гарагт тус онгоцонд Францын ерөнхийлөгч Франсуа Олланд тус улсын батлан хамгаалахын сайд Жан-Ив Ле-Дрианы хамтаар зочилсон байна.
Францын ерөнхийлөгч агсан Шарль де Голлийн нэрээр нэрлэсэн энэхүү онгоц байлдааны 26 нисэх онгоц тээвэрлэдэг. Тэр ч чанараараа Францын Сири дэх агаарын цэргийн ажиллагааны хүчин чадлыг гурав дахин нэмэгдүүлээд байгаа юм. Ерөнхийлөгч Олланд 1,500 орчим тэнгисийн цэргийн албан хаагч бүхий тус хөлгийн бие бүрэлдэхүүнд хандан хэлсэн үгэндээ, эх орныхоо төлөө гүйцэтгэж байгаа баатарлаг үйлсэд нь талархаж байгаагаа илэрхийлжээ.
Одоо Газрын дундад тэнгисийн зүүн хэсэгт байрлаж байгаа “Шарль де Голль” хөлөг онгоц удахгүй Арабын буланд очихоор төлөвлөж байгаа юм. Ингэснээр тус хөлөг онгоц АНУ-ын байлдааны хөлөг онгоцыг орлон, тус бүс нутгаас агаарын цэргийн ажиллагаанд оролцох юм байна.
| Олланд "Шарль де Голль" хөлөг онгоцонд зочилжээ | ||
| Үзсэн: 1258 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.