Дорноговь аймаг “Дорноговьд үйлдвэрлэв” төвтэй боллоо. Энэ төвөөр дамжуулан аймгийнхаа жижиг, дунд бизнес эрхлэгчдийн хийсэн бараа бүтээгдэхүүнийг нэг цэгээс худалдаалах юм.
Дорноговь төмөр зам дагасан аймаг учраас дэд бүтэц хөгжсөн, ажилгүй иргэд багатайд ордог. Иймээс иргэдийнхээ амьжиргааг дээшлүүлэхээр дэд хөтөлбөрүүд баталж, хувийн хэвшлийн бизнесийг дэмжиж байна гэж Дорноговь аймгийн Иргэдийн хурлын дарга Г.Ганбаатар онцлон хэлжээ.