Үндэсний телевиз
Цагийн хүрд
Найм арваннэг
Чилид дээд боловсролыг үнэ төлбөргүй болгох тухай хуулийн төслийг тус улсын парламентын 2 танхим хэлэлцэж, баталжээ. Ингэснээр Чилийн ерөнхийлөгч Мишель Бачелетийн хэрэгжүүлнэ гэж амласан боловсролын салбарын шинэчлэл хэрэгжих боломжтой болж байна. Энэ шинэ хуулиар, төрийн мэдлийн их дээд сургуулиудын 200 мянга гаруй оюутан цаашид үнэ төлбөргүй суралцахаар боллоо. Үүнээс гадна хувийн зарим сургуулийн оюутнууд ч нэмэлт шалгуур үзүүлэлтүүдийг хангасан нөхцөлд сургалтын төлбөрөөс чөлөөлөгдөх юм байна. Сүүлийн жилүүдэд Чилийн оюутан залуучууд их дээд сургуулийн сургалтын төлбөр өндөрсөж байгааг шүүмжлэн, дээд боловсролыг үнэ төлбөргүй болгохыг шаардаж жагсаал цуглаан олноор зохион байгуулах болсон юм. Үүнээс үүдэлтэйгээр ерөнхийлөгч Бачеретийн засгийн газар боловсролын салбарт шинэчлэл явуулах төлөвлөгөө боловсруулж, Үндсэн хуулийн цэцээр хэлэлцүүлжээ. Төлөвлөгөөг зарим сургуулийн оюутнуудыг ялгаварласан шинжтэй байна гэж дүгнэн буцаасан, дахин боловсруулж, парламентаар хэлэлцүүлсэн нь ийнхүү батлагдлаа. Тус улсын эрх баригчид төлөвлөгөөг хэрэгжүүлэх 765 сая долларыг ирэх оны төсөвт тусгасан байна
| Чилид дээд боловсролыг үнэ төлбөргүй болгов | ||
| Үзсэн: 418 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.