Манай улсад анх удаа Бодибилдинг фитнессийн дэлхийн аварга шалгаруулах тэмцээн зохиогдоно.  Ирэх сарын 24-27-ны өдрүүдэд Улаанбаатар хотноо зохиогдох тус тэмцээнд 50 гаруй орны 350 тамирчин оролцох юм. Тэмцээний талаар зохион байгуулагчид  "тэмцээний ард эх орны маань нэр хүнд, ирээдүйд эх орныхоо нэрийг дэлхийн тавцнаа цуурайтуулах залуусын маань итгэл яваа тул бид бүх чадлаа дайчлан ажиллаж байна” гэж яриад бизнесийн хүрээний байгууллагуудаас энэ нэр хүндтэй үүргийг биелүүлэхэд хамтран оролцож, ивээн тэтгэхийг урьсан юм.