Эрүүл мэндийн сайд Н.Удвал "Европ дахь Монголын бизнес эмэгтэйчүүдийн хөгжлийн холбоо"-ны тэргүүн Д.Энхжаргал тэргүүтэй төлөөлөгчдийг хүлээн авч уулзан хамтран ажиллах гэрээнд гарын үсэг зурлаа. Байгуулагдаад гурван жил болж буй тус холбоонд  Европын орнуудад ажиллаж, амьдардаг 100 гаруй Монгол эмэгтэйчүүд бүртгэлтэй байдаг аж. Тэдгээр эмэгтэйчүүдээ нэгтгэж, бие биенийгээ дэмжих, охид, эмэгтэйчүүдийн эрүүл мэндийг анхаарах нь холбооны гол зорилго юм. Тэд уул уурхайгаас орж ирсэн орлогоос  эрүүл мэндийн салбарт зориулж байхыг Засгийн газрын түвшинд хүргэхийг хичээж байгаагаа мөн жил бүрийн есдүгээр сарын 21-ний өдрийг эв, эеийн өдөр болгон тэмдэглэж байхаар болсноо Эрүүл мэндийн сайдад уламжиллаа. Дэлхий нийтээрээ 9 сарын 21-ний өдрийг “Хүчирхийллийн эсрэг өдөр” хэмээн тэмдэглэдэг бол монгол эмэгтэйчүүд есдүгээр сарын 21-ний өдрийг өсвөр насны охидын эрүүл мэнд, гэр бүлийн асуудал, үндэсний эв нэгдлийн өдөрт  чиглүүлэхээр ярилцаа.