Нэгэн фото зурагчин Улаанчулуутын хогийн цэг дээр амьдардаг гэр бүлүүд, тэдний хүүхдүүдэд зориулж цэцэрлэг ажиллуулдаг Канадын төрийн бус байгууллага дээр авсан гэрэл зургуудаараа дүрс бичлэг хийжээ. 

Тэрбээр энэ талаарх нийтлэлээ veloofoundation.com сайтад мөн бичиж үлдээсэн байна. Нийтлэлийнхээ эхэнд тэрбээр “Би 2015 оны наймдугаар сард Монголд очихдоо тус улсад байдаг томоохон хогийн цэгийн талаар сонссон юм. Мөн тэнд байх олон хүүхдүүдийг асран хамгаалдаг Канадын тусламжийн байгууллага байдгийг сонсоод “Улаанчулуут”-ын хогийн цэгийг зорьсон. Анхны сэтгэгдэл болоод тэрхүү бодит байдалтай нүүр тулах надад амаргүй байсан. Маш олон бяцхан хүүхдүүд хог түүж, хогоор хооллож өдрийг өнгөрөөж байсан. Тэдний эцэг, эхчүүд ихэнх нь архичин. Түүнчлэн энд байгаа хүмүүсийн олонх нь ямар нэгэн бүртгэлгүй. Сайхан амьдрал хайн хотод ирсэн ч хөлөө олж чадахгүй байсаар хог дээр амьдрах болсон талаар ч ярих хүмүүстэй таарч байв” гээд цааш үргэлжилжээ. Нийтлэлийн дэлгэрэнгүйг эндээс уншаарай.