Уул уурхайн хөрөнгө оруулалт татарч, эдийн засаг хүндхэн байгаа энэ үе дотоодын үйлдвэрлэгчдэд таатай нөхцөл болж байна хэмээн мэргэжилтнүүд үзэж байна. Тухайлбал, өнгөрсөн жил манай дотоодын үйлдвэрлэгчдийн гүйцэтгэсэн ажил 6.2 их наяд төгрөгт хүрч, улсын төсөвтэй дүйцэхүйц хэмжээнд очжээ. Өнгөрсөн онд Батлан хамгаалах яам,  БСШУЯ-наас Аж үйлдвэрийн яамтай санамж бичиг байгуулан дотоодын үйлдвэрлэлээс бараа бүтээгдэхүүн худалдан авсан байна.

Тэдгээрээс 3.9 тэрбум төгрөгөөр нормын хувцас, зөөлөн эдлэл, 3.2 тэрбум төгрөгөөр хүнсний бүтээгдэхүүн, 426 сая төгрөгөөр эм болон ороох, боох бараа материал худалдан авчээ. Энэ онд ч гэсэн төрийн худалдан авалтыг бууруулахгүй байх нь эдийн засагт эерэг нөлөө үзүүлнэ гэж салбарын яамнаас үзэж байгаа юм. Ийнхүү уул уурхайн хөрөнгө оруулалт буурсан үед дотоодын салбар дахь хөрөнгө оруулалт нэмэгдсэн нь төрийн худалдан авалттай шууд холбоотой гэнэ. Тэд өөрийн салбарын хэрэгцээт зүйлсийг дотоодоосоо худалдан авсан нь үйлдвэрлэгч нарт томоохон дэмжлэг болсон гэдгийг Аж үйлдвэрийн сайд Д.Эрдэнэбат онцоллоо. Энэ талаар түүний хэлсэн үгэнд анхаарлаа хандуулна уу.