Хятадын Коммунист  намын төв хороо 2016 онд авлигатай тэмцэх өргөн хүрээтэй шалгалтынхаа эхний шатыг эхлүүлэхээ мэдэгдээд байна. Энэ дагуу 32 яам, намын байгууллагад шалгалт хийх бөгөөд үүнд  Шинэтгэл хөгжлийн улсын хороо, Гаалийн ерөнхий газар  зэрэг  багтаж буй юм байна.

Мөн  эхний  шатны үзлэг шалгалтыг Хууль зүйн яам,  Аялал  жуулчлал, Хөдөө аж ахуйн яам болон Эрчим хүчний удирдах газар зэрэгт хийх юм байна. Түүнчлэн Ляонин, Аньхой, Шаньдун и Хунань зэрэг  өмнө нь  үзлэг шалгалт хийсэн мужуудад ч  энэ удаад  нэмэлт шалгалт хийж өмнөх  ажлын  үр дүнг нягтлахаар болсон  байна.

2012 оноос улс  орон даяар  эхлүүлсэн авлигын эсрэг хийж буй тэмцлийн тухай хөндсөн хуралдаан  Бээжин хотноо өчигдөр болсон бөгөөд  Хятадын Коммунист намын төв  хорооны  тэргүүн  Ван Цишань дээрх мэдээлэл бүхий мэдэгдлийг танилцуулсан юм.  2012 онд  Хятадын удирдагч  Си Зиньпин  төрийн эрхэнд гарсан даруйд  авлигын  эсрэг хүчтэй  тэмцэл хийж эхэлсэн. 

Түүнээс хойш олон  мянган  албан тушаалтан  намын сахилга бат зөрчсөн, авлига авсан хэргээр шийтгэгдсэн байна. Мөн албан ёсны статистик мэдээгээр зөвхөн энэ оны эхний сард нийт 5449 албан тушаалтан дээрх хэрэгт холбогдон шийтгэгджээ. Хятадын Коммунист намын төв  хорооны  мэдээгээр 2015 онд  намын  сахилга бат зөрчсөн хэргээр 50 мянган албан тушаалтан  шийтгэгджээ.