Төв цэвэрлэх байгууламжид хуримтлагдсан лагийг боловсруулах, дамжлага нэмэх, ашиглалтад оруулахад зориулж энэ оны улсын төсөвт 8.1 тэрбум төгрөг тусгажээ. Энэ төсвөөр Төв цэвэрлэх байгууламжийн засварын ажлыг эхлүүлээд байна.

Ингэж зассаны дараа хотод үнэртдэг эвгүй үнэр 60-70 хувь арилах юм. Нийслэлийн засаг даргын Экологи, ногоон хөгжлийн асуудал хариуцсан орлогч дарга Бат-эрдэнээр ахлуулсан ажлын хэсэг цэвэрлэх байгууламжийг хэрхэн засварлах, цааши хэрхэх талаар өнгөрөгч оны 11 сараас хойш судалж байна. Одоо хөрөнгийн асуудал ч шийдэгдэж, хийх ажил ч тодорхой болсон учраас засварын ажлыг бүрэн дуусгана ажлын хэсэг мэдээллээ. 

Үүнээс гадна Төв цэвэрлэх байгууламжид 250 метр куб бохир ус цэвэрлэх байгууламжийг шинээр барина. Энэ ажил Засгийн газрын Концесийн гэрээгээр гүйцэтгэх ажлын жагсаалтад багтаж одоо гүйцэтгэх аж ахуйн нэгжийг тодруулах гэж байна. Засгийн газраас засварын ажлыг долоодугаар сарын 15 гэхэд дуусга гэсэн үүрэг чиглэл өгсөн. Харин ажил гүйцэтгэх албаныхан АСЕМ-ын хурлаас өмнө буюу 6 дугаар сарын 10 гэхэд дуусгана гэсэн төлөвлөгөөтэйгээр ажиллаж байна.