Хятадын Худалдааны яамны хэвлэлийн төлөөлөгч Шэнь Дань Ян “Хятад улс импорт, экспортын нийт хэмжээгээрээ дэлхийд тэргүүлж болзошгүй” гэжээ. Учир нь тус улсын гаалийн сүүлийн хоёр сарын тоо баримтаас үзвэл гадаад худалдаа зохих хэмжээгээр сайжирсан үзүүлэлттэй гарчээ. Үүний зэрэгцээ эдийн засгийн өсөлтөд өөрчлөлт оруулснаар аж ахуйн нэгжийн өрсөлдөх хүчин чадал дээшилсэн байна. Эдгээр өөрчлөлтийн үр дүнд  энэ оны сүүлийн хагаст гадаад худалдаа идэвхтэй байх төлөв ажиглагдсан байна.