Үндэсний телевиз
Цагийн хүрд
Найм арваннэг
Өчигдөр орон нутгийн цагаар өглөөний 9 цагийн орчимд Бельгийн Вант улсын нийслэл Брюссель хотын олон улсын нисэх онгоцны Завентем буудал болон Европын Холбооны төвтэй ойролцоо орших Малбээкийн метроны буудалд цуврал дэлбэрэлт болов. Дэлбэрэлтийн улмаас 13 хүн нас барж, 35 хүн гэмтээд байна.
Үүсээд буй нөхцөл байдлаас болж Завентем нисэх буудлын бүх нислэгийг цуцалж, Брюссель рүү орох, гарах галт тэрэгний хөдөлгөөнийг зогсоосон бөгөөд галт тэрэг, метроны буудлуудыг хаагаад байгаа юм байна.
Одоогоор дэлбэрэлтийн улмаас нас барсан, гэмтсэн хүмүүсийн дунд Монгол иргэд байхгүй талаар Брюссельд суугаа Элчин сайдын яамнаас мэдэгдлээ.
Харин дэлбэрэлт болсон газар болон олон нийтийн газраар явахгүй байхыг Бельгийн Вант Улсад оршин суугаа Монгол иргэддээ Гадаад хэргийн яамнаас анхааруулж байна.
| Бельгийн Вант Улсад оршин суугаа Монгол иргэдэд сэрэмжлүүлж байна | ||
| Үзсэн: 596 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.