МҮОНРТ-ийн байранд гал унтраах сургуулилт боллоо. “600”-гийн студид гал гарсан тохиолдолд хэрхэн аврах ажиллагаа явуулж, галыг богино хугацаанд унтрааж болохыг уран бүтээлч, ажилчид, Нийслэлийн онцгой байдлын газрын албан хаагчид хамтран үзүүллээ. 

МҮОНРТ-ийн барилгын техникч Г.Мөнхбаяраас тус сургуулилтын талаар тодруулахад “Гал гарсныг мэдсэн уран бүтээлчид телевизтэй хамгийн ойр байрлах Чингэлтэй дүүргийн аврах гал унтраах аравдугаар ангийг 11:00 цагт дуудсан. Тэд дуудлага өгснөөс хойш гурван км орчим замыг,  гурван минутын хугацаанд туулж ирлээ. “600”-гийн студид утаанд боогдсон хоёр ажилтныг хамгийн түрүүнд гаргаж, анхны тусламж үзүүлээд дээвэр дээр мөн л утаанд боогдсон хоёр хүнийг аварлаа. Энэ үйлдлээрээ тус албан хаагчид ойролцоох хүмүүст хэрхэн арга хэмжээ авч болдгийг харуулав.