НҮБ-ын Хүн амын сангийн Залуучуудын төслийн дэмжлэгтэйгээр “Өсвөр үеийнхний эрүүл мэндийн тусламж үйлчилгээний чадавхи бэхжүүлэх нь” сургалт зохион байгууллаа. Сургалтын үеэр өсвөр үеийн эмч, зөвлөгч нарт хүчирхийллийн талаарх ойлголтыг өгч, хүчирхийлэлд өртсөн өсвөр үеийнхэнд тусламж үзүүлэх талаар мэдлэг, ур чадвар эзэмшүүлэх сургалт зохион байгуулсан бөгөөд, өсвөр үеийн эрүүл мэндийн тусламж, үйлчилгээний эрх зүйн орчинг сайжруулах чиглэлээр  ярилцсан байна. Оролцогчид өсвөр үеийн эрүүл мэндийн төв ямар бүтэцтэйгээр ямар харьяаллад ажиллах болон талаар өсвөр үеийн эрүүл мэндийн тусламж, үйлчилгээг хэрхэн сайжруулах эрх зүйн орчин бүрдүүлэх талаар харилцан санал бодлооо солилцож  мэдлэг туршлагаа ч хуваалцжээ.

Энэхүү сургалтад аймаг, нийслэлийн өсвөр үеийн эрүүл мэндийн төвийн эмч, зөвлөгч, нийгмийн эрүүл мэндийн ажилтан болон зарим аймгийн Эрүүл мэндийн газрын нийгмийн эрүүл мэндийн болон эмнэлгийн тусламжийн хэлтсийн дарга, өсвөр үеийн асуудал хариуцсан мэргэжилтнүүд хамрагдав.