Өнөөдрийн байдлаар Улаанбаатар хотод  орон сууцны  227 төсөл хэрэгжиж байна.   Эдгээрээс 34 хувь нь ашиглалтад орж, 50 хувь нь ашиглалтад өгөх хугацаанаасаа хэтэрч, 26.4 хувь нь энэ оны гуравдугаар улиралд, үлдсэн хувь нь ирэх дөрөвдүгээр улирлаас оршин суугчдаа хүлээн авах аж. Орон сууцны үнэ оны эхнээс дунджаар 20 хувиар өсч, нэг ам.метрийн үнэ дунжаар 300-400 мянган төгрөгөөр  нэмэгджээ.  Хан-Уул,  Чингэлтэй дүүрэгт шинэ орон сууцны ам метрийн дундаж үнэ 2.7 сая төгрөг.  Энэ нь  бусад дүүрэгтэй харьцуулбал харьцангуй өндөр үнэ юм. Дээрх нийт төслийн  орон сууцны ам метрийн үнийн хувьд 60 гаруй  хувь нь 1.5-2.5 сая төгрөг, харин 22 хувь нь 2.5 сая төгрөгөөс дээш үнэтэй байгаа нь судалгаагаар гарчээ. Орон сууцны үнээс гадна эрэлт нийлүүлэлтээ гүйцэхгүй байгааг салбарынхан онцолж байна.