Дорнод аймгийн Засаг даргын орлогч Ч.Ганбатаар ахлуулсан мэргэжлийн чиг үүрэг бүхий 17 хүний бүрэлдэхүүнтэй ажлын хэсэг голомтын бүс болон сэжигтэй бүсэд энэ сарын 12-ны өдөр ажиллаж нэмж авах арга хэмжээний талаарх саналаа өнөөдрийн аймгийн онцгой комиссын хуралдаанд оруулж дараах арга хэмжээнүүдийг авч хэрэгжүүлэхээр боллоо.

Үүнд:

• Сэжигтэй бүсэд 1 пост, хөдөлгөөнт эргүүл 2-ыг нэмж, байрлуулах
• Ариутгал халдваргүйтгэлийн шаардлагатай бодисын судалгааг гаргаж, тусгай зориулалтын ариутгал халдваргүйтгэлийн автомашинаар ариутгал хийх
• Тусгай зориулалтын механизмаар хашаа, саравчны бууц, хөрсийг хуулж, ариутгал, халдваргүйтгэл хийх
• Анхны устгалын цэгт булж, устгасан байдал хангалтгүй байгаа тул зааврын дагуу устгалыг дахин зохион байгуулах
• Шаардагдах материал, хүн хүч, хэрэгслийг нэмэгдүүлэх
• Голомтын болон сэжигтэй бүсд байх иргэдэд эмнэлгийн анхан шатны тусламж үзүүлэх эм, тариаг постод байрлуулах
• Голомтын болон сэжигтэй бүсэд хүн, малын шилжилт хөдөлгөөнийг бүрэн зогсоох
• Анхны устгалын цэгт хаягжуулалт байрлуулах
• Замын уулзваруудад анхааруулах тэмдэг байрлуулах
• Дэрвэгэр, Жирэвгэр ургамлын үндэс түүж байгаа иргэдийн хөдөлгөөнийг хорих, зогсоох
• Баянтүмэн сумын ЕБС-ийн ойн баярын хурдан морины уралдааныг уралдааныг цуцлахаар шийдвэрлэлээ.