Австралийн соёл амралтын хамгийн том хүрээлэн болох "Dream world"-ийн тоглоомын зам дээр өнөөдөр осол гарч, 4 хүн амиа алдлаа. 

Тус хүрээлэнгийн бартаат усан  аяллын зам дээр энэ осол гарсан байна. Цагдаагийнхан болоод шуурхай аврах албаныхан ослын шалтгааныг тогтоохоор хэргийн газар ажиллаж байгаа учир тодорхой мэдээлэл өгөх боломжгүй болохыг албаныхан хэлж байна. Ширүүн урсгалтай голоор, бартаан дундуур цагт 45 км цагийн хурдтай аялах дугуй завин дээр нэг удаад 6 хүн суух боломжтой юм байна. 

Олон амрагчдын сонирхлыг татдаг гол тоглоомуудын нэг болох усан аяллын замыг 1986 онд нээж байжээ. "Dream world" соёл амралтын хүрээлэн нь усан замаас гадна 50 гаруй ийм төрлийн адал явдал дагуулагч тоглоомын замыг амрагчдад санал болгодог байна. Эдгээр тоглоомын аюулгүй байдлыг хангах тал дээр хүрээлэнгийн ажилчид анхаарлаа хандуулж ажилладаг гэх боловч өнөөдөр гурван хүний аминд хүрсэн осол гарлаа. Иймд маргаашийг хүртэл соёл амралтын хүрээлэнгийн үйл ажиллагааг түр зогсоогоод байна.