Монгол Улсын Засгийн газрын 2008 оны 194 дүгээр тогтоол /Цэргийн албыг сайн дурын үндсэн дээр гэрээгээр хаах журам/-ыг үндэслэн ХХЕГ-ын даргын тушаалаар “Хил хамгаалах байгууллагад гэрээт цэргийн албыг зохион байгуулах журам”-ыг шинэчлэн боловсруулж, хэрэгжүүлэн ажиллаж байна.

Гэрээт хилчний алба хаах сонирхлоо илэрхийлсэн цэргийн жинхэнэ албыг 8 сараас доошгүй хугацаагаар хааж байгаа байлдагч, түрүүч, нэгдүгээр зэргийн бэлтгэл үүрэгтэн 29 хүртэлх насны иргэнийг гэрээт цэргийн албан хаагчаар сайн дурын үндсэн дээр сонгон шалгаруулж авч, журмын дагуу бие бялдрын хөгжилт, эрүүл мэндийн байдал, боловсролын түвшин, мэргэжил, ёс зүй, сахилга, хариуцлагын байдал гэсэн үзүүлэлтээр сонгон шалгаруулалтыг явуулж, 156 ХЦАХ, иргэдийг гэрээт цэргийн анхан шатны сургалтад хамруулан төгсгөж, хилийн анги /отряд/-д томилсон.

Хил хамгаалах байгууллага цаашид гэрээт цэргийн албыг улам төгөлдөржүүлж, гэрээт хилчдээр албыг зохион байгуулах бодлого баримтлан ажиллаж байна.