Монгол Улсын Засгийн газраас жилийн 1.5 тэрбум төгрөгийн борлуулалтын орлоготой дөрвөн чиглэлийн жижиг дунд үйлдвэрлэгчдэд 90 хувийн татварын хөнгөлөлт үзүүлж, нэг хувийн татвар ногдуулдаг болох саналыг УИХ-д оруулж, холбогдох хуулийг төслийг хэлэлцэж байна.

Татварын тухайн хөнгөлөлтөд:

-хүнсний бүтээгдэхүүн үйлдвэрлэл
-мал аж ахуй, газар тариалан
-хувцас  нэхмэл
-барилгын материалын үйлдвэрлэгчдийг хамруулах хуулийнтөслийг боловсруулсан.

Засгийн газар нэн түрүүнд үйлдвэрлэгчээ дэмжин, ажлын байрыг хэвээр үлдээх бодлогыг баримталж дээрх дөрвөн чиглэлийн аж ахуйн нэгжийг татварын хөнгөлөлтөд хамруулсан. Мөн эдгээр дөрвөн чиглэл дээр нэмж хамрах хүрээг тэлвэл  аж ахуйн нэгжүүд задарч болохоос гадна улсын төсөвт сөргөөр нөлөөлнө гэж үзсэн.

Харин өнөөдөр  хуралдсан байнгын хороодын хуралдаанаар татварын хөнгөлөлтөд хамрагдах хүрээг нэмэгдүүлж болох эсэхийг хэлэлцлээ. Ингээд гэрийн модон эдлэл, эсгий үйлдвэрлийг хамруулахаар Төсвийн байнгын хорооны гишүүдийн олонх нь дэмжсэн байна.