БНХАУ-ын Төрийн зөвлөлийн ерөнхий сайд Ли Кэцян Евразийн улс орнуудаар албан ёсны айлчлал хийх гэж байна.  Тэрбээр ирэх сарын 2-ноос 9-ний хооронд Киргизстан, Казахстан, Латви, ОХУ зэрэг Евразийн 4 оронд албан ёсны айлчлал хийхээр төлөвлөж байгааг Хятадын гадаад хэргийн яамнаас мэдэгдсэн байна.

Мөн Киргизстанд айлчлах үедээ Киргизийн ерөнхий сайдын урилгаар  Бишкек хотноо болох ШХАБ-ын засгийн газрын тэргүүн нарын 15 дахь удаагийн уулзалтанд оролцох юм байна. Харин Астанад Хятад, Казахстаны засгийн газрын тэргүүн нарын 3 дахь удаагийн уулзалтанд оролцох юм байна.

Мөн Латвид Хятад, Төв болон Зүүн Европын орнуудын 5 дахь удаагийн дээд хэмжээний уулзалтанд оролцоно. Манай хойд хөрш ОХУ-д айлчлахдаа Санкт-Петербургд Хятад Оросын ерөнхий сайд нарын21 дэх дуаагийн уулзалтанд тус тус оролцох юм байна. Түүний айлчлалын гол зорилго нь ШХАБ-ын хүрээнд Евразийн улс орнуудтай харилцаа хамтын ажиллагаагаа тэлэхээс гадна Нэг бүслүүр нэг зам санаачлагыг хэрэгжүүлэхэд Евразийн улс орнуудын дэмжлэгийг авахад чиглэсэн гэж ажиглагчид харж байна.