“Нью-Йорк Айлендерс” өнөөдөр өөрийн мөсөн талбайдаа лигийн 4 удаагийн аварга АНУ-ын “Питтсбург Пингвинс” багийг хүлээн авсан. Тоглолт 3 үеийн турш маш сонирхолтой үргэлжилж, багууд хоккейн спортын гайхамшигийг үзүүлж байсан. Жек Капуногоор удирдуулсан “Айлендерс” энэ өдөр өрсөлдөгчөө 5:3-ын харьцаатай хожлоо. Тэд багаа жигд сайн байж, Жонни Бойчак, Жейсон Чимера, Кейси Сизикас, Андерс Ли, Николай Кулемин нар тус бүр нэг шайбыг оруулжээ. Харин хүчирхэг “Пингвинс”-ээс Конор Шери, Жастин Шульц, Евгений Малкин гэсэн багийн супер одод гоолыг орууллаа. “Айлендерс” ийнхүү сүүлийн 2 тоглолтод дараалан хожсон ч бүсийнхээ сүүлийн байрт бичигдсэн хэвээр үлдлээ. Харин “Питтсбург Пингвинс” ҮХЛ-ийн 100 дахь улирал эхлээд 23 тоглолт хийж, 13 хожоод байна. Одоогоор тэд 29 оноотой өрнөд бүсийн 4-р байрт бичигдэж байгаа юм.