Үндэсний телевиз
Цагийн хүрд
Найм арваннэг
Өнгөрсөн улирлын дэд аварга “Сан-Хосе Шаркс” энэ өдөр улирлын 24 дэх тоглолтдоо лигийн 2 удаагийн аварга, АНУ-ын “Лос-Анжелес Кингс” багийн эсрэг хийлээ. Лос-Анжелес хотын “Хаад”-ын хувьд сүүлийн 5 тоглолтдоо дараалан хожоод байсан юм. Гэсэн ч тэд энэ цаг үеийн шилдэг багуудын нэг “Сан-Хосе Шаркс”-т хүчин мөхөсдсөн. “Аварга загасууд”-аас Кевин Лабанк, Райан Карпентер нар нэг гоолыг оруулсан бол багийн шилдэг довтлогч Логан Кутюр 2 шайбыг өрсөлдөгчийнхөө хаалганд оруулсан. 27 настай канад залуу Логан Кутюр улирал эхлээд 9 гоол оруулж, 7 ашигтай дамжуулалтыг өгөөд байна. Харин Лос-Анжелес хотын багаас Дастин Браун нэр төрийн нэг гоолыг оруулж, тоглолт 4:1-ийн харьцаатай өндөрлөжээ. Ингэснээр “Шаркс” сүүлийн 2 тоглолтдоо дараалан ялсанаар 29 оноотой болж байна. Тэд 24 тоглолтоос 14 хожсон амжилтаараа хүснэгтийн 3-р байрт ҮХЛ-ийн 100 дахь улирлыг үргэлжлүүлж байгаа юм.
| “Сан-Хосе Шаркс” хоёр дараалан хожлоо | ||
| Үзсэн: 714 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.