Бразилийн шигшээ багийн шинэ залуу од, 19 настай довтлогч Габриэл Жесус Бразилийн энэ оны шилдэг хөлбөмбөгчөөр тодорлоо. Тэрээр өнгөрсөн зун Анлийн “Манчестер Сити” клубт 32 сая еврогоор зарагдсан ч үүний дараа Бразилийн “Палмейрас” клубтээ зээлээр тоглох гэрээний дагуу үлдсэн. Тэрээр энэ улирал 12 гоол оруулахын зэрэгцээ багаа Бразилийн лигийн аварга болоход нэн чухал үүргийг гүйцэтгэсэн. Одоогоор “Палмейрас”-ын төлөө 83 тоглолтод оролцохдоо 28 гoолыг оруулаад байна. Мөн зуны олимпийн 31-р наадамд оролцсон шигшээ багийнхаа бүрэлдэхүүнд багтаж, Бразилчууд олимпийн наадмын анхны алтан медалийг хүртсэн билээ.