Гэри Кэхилл: "Азпи өөртөө маш олон гайхалтай чанар агуулсан, гайхалтай хөлбөмбөгчин. Талбайн гадна ч, дотор ч тэр мэргэжлийн тоглогч ямар байдгийг үлгэрлэн харуулж чаддаг. Яаж хөдөлмөрлөх, яаж бэлтгэл хийх гэх мэт. Тэр үргэлж л дээд зэрэглэлд тоглож чаддаг учраас түүний үзүүлэлт нь ч маш тогтвортой байдаг. Түүн шиг тоглогчийг авч үлдэх нь манай клубын хувьд маш чухал."

Виктор Мозес: "Азпи багт ихийг өгч, олон талын сайн нөлөөтэй. Тэр үнэхээр хөдөлмөрч учраас багийнхан маань ч түүнийг их хүндэлдэг. Бэлтгэл бүрт л тэр өөрийгөө 100 хувь дайчилж ажилдаг юм. Би Азпиг шинэ гэрээ байгуулсанд үнэхээр баяртай байна. Тэр хамгаалалтын шугамд аль ч байрлалд тоглож, урагшаа довтолгоонд ч маш сайн орж тоглодог. Мөн тоглолтын хэмнэлийг сайн мэдэрдэг тамирчин. Бид "Челси"-д 2012 оноос хойш хамт байсан. Түүнийг ирээдүйд улам ихийг хийж бүтээж, багтаа ихийг өгч чадна гэдэгт итгэж байна."

Курт Зума: "Тэр бол дайчин залуу. Азпи тоглолт, бэлтгэл гээд алинд нь ч өөрийгөө 100 хувь дайчилдаг учир би түүнийг ингэж хэлдэг юм. Энэ залуу хэзээ ч бууж өгдөггүй гайхалтай тоглогч. Мөн баг хамгийн сайнаар төлөөлж чадах хүн. Азпи энэ багт хайртай. Тэр багийн төлөө чадах бүхнээ зориулдаг. Би түүнийг урт хугацаанд багт байхаар болсонд баярлаад ханашгүй нь. Намайг багт ирэхэд Азпи их тусалж байсан. Тэр нөхөрсөг бас үргэлж инээмсэглэж, бусдыг хайрыг татаж байдаг нэгэн."

Уиллиан: "Миний Челсид байх цаг хугацаанд тэр хамгийн шилдэг нь байсан. Азпи олон өөр байрлалд маш сайн тоглож байгаа гайхалтай залуу. Тэр тоглолтонд ч, бэлтгэл дээр ч хөдөлмөрлөж, тэмцдэг чанартай. Тэр ялах дуртай."

Маркос Алонзо: "Би түүний өмнөөс их баяртай байна. Азпиликуета бол хөдөлмөрч, ёстой л жинхэнэ мэргэжлийн тоглогч. Тэр намайг ирсэн эхний хэдэн сар маш их тус болсонд нь би үргэлж баярлаж явдаг."