"Сан-Хосе Шаркс"-ын залуус энэ өдөр өөрийн талбайдаа Канадын "Виннипег Жетс"-ийг хүлээн авч улирлын 44 дэх тоглолтоо хийлээ. Тэд тоглолтын эхний 2 үед өрсөлдөгчөө бүх талаараа илүүрхэн тоглож, 3 гоолыг оруулсан. Энэ удаад “Аварга загасууд”-аас Жоэл Уорд, Тимо Мейер, Брент Бернс нар хаалганд шайбыг оруулжээ. "Шаркс" багийн лидер, 31 настай канад хамгаалагч Брент Бернс энэ улирлын 44 тоглолтод бүгдэд нь талбайд гарч, 18 гоол оруулан 27 гоолын дамжуулалт өгөөд байгаа юм. Улмаар багууд шийдвэрлэх 3-р үед тус бүр 2 гоолыг оруулсанаар Шаркс 5:2-ын харьцаатай ялалтыг авсан. Ингэснээр тэд улирлын 26 дахь хожлоо авч, 54 оноотой болсоноор өрнөд бүсийн 5-р байраа хадгалан үлдэж байна. Харин Канадын "Виннипег Жетс" 47 тоглолтоос 44 оноо цуглуулсан үзүүлэлтээр энэ бүсийн 12-р байрт улирлыг үргэлжлүүлж байгаа юм.