Европ тивийн шилдэг лигүүдийн нэг Испанийн аварга шалгаруулах “Ла Лиг”-ийн тэмцээний 21-р тойргийн тоглолтууд өнгөрсөн амралтын өдрүүдээр болж өндөрлөлөө. Каталоны алдарт “Барселона” клуб энэ тойрогт “Атлетик Бильбао”-г өөрийн талбайдаа хүлээн авчээ. Алдарт "Камп Ноу" цэнгэлдэх хүрээлэнд болсон энэ тоглолтод Каталон үндэстний нэр төр болсон "Барселона" клуб 90 мянга гаруй хөгжөөн дэмжигчийнхээ хамтаар Испанийн Баск үндэстний "Бильбао" клубыг хүлээн авлаа. Сүүлийн 7 тоглолтдоо хожигдоогүй байсан “Барселона”-гаас багийн супер од Неймарын дамжуулалтаар Испани довтлогч Пако Алькасер эхний гоолыг хааганд оруулж, энэ улирлын эхний гоолоо бүртгүүлсэн. Улмаар дэлхийн 5 удаагийн шилдэг хөлбөмбөгчин Лионель Месси хаалттай цохилтоос гоолыг оруулж, “Барса” тоглолтын 1-р үед 2:0-ийн харьцаатай тэргүүлсэн нь тоглолтын үр дүнд шууд нөлөөлсөн юм.

Энэ тоглолтын 3 дахь гоолыг талбайд сэлгээгээр орж ирсэн Алейш Видаль оруулсанаар Луйс Энрикегийн залуус улирлын 13 дахь хожлоо авсан. Лигийн 24 удаагийн аварга Барселона клуб одоогоор 21 тоглолтоос 45 оноо авсан амжилтаараа лигийн хүснэгтийн дэд байрт бичигдэж байгаа юм.